شاھین وئلفیئر فاونڈیشن ایک غیر منافع بخش،غیر سیاسی اورسماجی تنظیم ہے جو معاشرے کی فلاح وبہبود کے لیے دیر پا ترقی پر یقین رکھتی ہے۔یہ نوجوانوں کے جوان جذبوں اور اجتماعی مفاد کی ایک زندہ مثال ہے۔لوگ کسی مسیحا کےمنتظر ہیں جو انہیں پسماندگی سے نکالنے کا گرُبتلائے اور تکنیکی مشورے فراہم کرے تاکہ وہ ظلمتوں کے ان گھٹا ٹوپ اندھیروں سےنکل سکیں ۔اسی ضمن میں نوجوانان نے مل کر ایک ایسے پلیٹ فارم کی ضرورت محسوس کی جسے معاشرے میں ترقی کا ایک دیا جلایا جا سکےاگر چہ مسائل لامتناہی اور وسائل نہ ہونے کے برابر ہیں پھر بھی ایک اندھیرا ،اندھیرا پکارنے کی بجائے کچھ عملی اٹھالیے جائیں تو یہ ایک مستحسن عمل ہو گا ۔بقول شاعر
شکوہ ظلمت شب سے تو کہیں بہتر تھا
کہ اپنے حصے کی کوئی شمع جلاتے جاتے
چنانچہ مورخہ 19فروری 2012 کو شاھین ویلفیئر فاونڈیشن کی بنیاد رکھی گئی ۔تعلیم،صحت اور ماحولیات کے عناوین پر کام کرنے کا عزم کیا گیا ۔اس کے علاوہ یہ طے پایا کہ چھوٹی صنعتوں اور چھوٹے کاروبارات کو فروغ دے کر افراد کو معاشی خود مختار بنانے کی کاوشیں کی جائیں گی۔شاھین نئے آفا ق کی دریافت پروگرام کے تحت مقامی لوگوں کو اپنا اگا کر کھانے کی ترغیب دلائی جائے گی۔ اور اس حوالے سے ان کی بھرپور تیکنیکی اور ترغیبی امداد کی جائے گی اور ان کو ترغیب دلائی جاے گی کم از کم گھریلو استعمال کی سبزیاں اپنی زمینوں میں اگائیں۔ فارمی مرغی کو خیر باد کہیں اور دیسی مرغیاں پالیں،ماہی گیری،ڈیری فارمننگ ،شھد کی مکھیوں کے چھتے لگائیں وغیرہ وغیرہ جیسے کاموں کا آغاز کیا جائے۔خواتین کو ہنر مند بنانے کے لیے سلائی کڑھائی کے سکول کا قیام ہر محلے کی سطح پر عمل میں لائے جائیں۔
چھوٹی صنعتوں کے فروغ کے لیے اقدامات کیے جائیں مثلا موم بتی بنانے کے لیے مشین لگانا ،یا صابن سرف بنانے کےلیے مشینیں لگانا۔بال پوائنٹ کی مشینں لگانا وغیرہ وغیرہ جیسے اور بھی ایسی چھوٹے کام جو چھوٹے سرمائے سے شروع کیے جا سکتے ہوں کو فروغ دیا جائے گا۔
ان اقدامات سے معاشرہ کی ترقی میں ایک بھرپورکردار ادا کیا جا سکتا ہے اور لوگوں کو نئے راہیں،جدید ہتھیاراور پر کشش ہنر سکھا کر ہی اس معاشرے کی ترقی میں حائل روڑے دور کیے جا سکتے ہیں۔
نئے آفاق کی دریافت پروگرام کے تحت اس بات کو بھی جگہ دی گئی کہ کسی بھی چھوٹے اقدام اور جدید خیال کو خوش آمدید کہا جائے گا جو معاشرے کو ترقی دے سکے۔
1 تبصرہ:
ایک تبصرہ شائع کریں